最愛旅行歌

去旅行最開心除o左係可以逃離鋼筋森林自由自在看風景之外,事前o既準備功夫亦足以令我未出發先興奮。除o左睇孤獨星球左揀右揀行程目的地會令我開心幾個月之外,毎次旅行我都會嚴選一堆旅行歌伴我上路。好似o黎梗o既美國加州加玻利維亞之旅,向海跋四千幾米土地被稀薄空氣圍繞時,我需要本人首席偶像曁上一代可愛教主范曉萱o既氧氣。



話時話平時大家通常見到果首氧氣其實叫"氧氣 (O1缺氧版)", 收録係1998年o既"Darling"大碟,同一隻大碟入面亦同時收録上面果首"氧氣 (O2有氧版)"。 O2有氧版並非O1版o既remix, 而係同詞不同曲o既版本。根據Darling大碟内o既"創作手札",氧氣呢首歌係先有歌詞,然後再由作曲人作melody。作曲人最後提供o左兩款melody俾范曉萱揀,但由於兩款都o甘正,范曉萱索性就用晒,玩一詞兩曲! 我自己就鐘意無o甘流行o既O2有氧版。

帶住氧氣(仲要係有氧版)去玻利維亞,希望我唔會有高山反應喇!